Ang Pangalawang Buhay ni Kikilabotz, Pakikipagsapalaran sa Hulog Barya Gang

Meron akong goodnews, Kahapon, nadagdagan  nanaman ako ng isa pang reason para lalo pang mahalin ang sarili ko. Isang nakaka nginig laman na experience na muntik nang kumitil ng aking buhay.Ang pakikipagsapalaran ko sa mga hulog barya gang

Lunes. After lunch, siguro mag aalas dos ng tanghali,nakiusap sa akin si Erpat na magdeposit ng pera sa bangko. Kahit na tinatamad ako, dahil pakiusap nga ni erpat, wala na akong nagawa kundi sumunod. Ewan ko ba kung bakit kahit na inaaya na ko ng kuya ko na sumabay sa kotse niya, mas pinili ko na lang magcommute. 2^nd year High school pa lang ako madalas na ako mautusan magdeposit sa bangko , kaya medyo kampante na ako sa mga ganitong sitwasyon.

Inilagay ko yung pera sa kaliwang bulsa ng shorts ko at naglakad ng mga lima hanggang pitong minuto papunta sa sakayan ng jeep. Sakto, medyo maluwag pa yung loob ng jeep. pero dahil may tao na sa harap ng jeep,dun na lang  ako pumuwesto sa likod ng driver para siguradong walang pwedeng makaupo sa left side ko na maaring mandukot sa perang dala ko. Maya maya, may sumukay na isang manong, dun niya gusto umupo sa inuupuan ko, sa likod ng driver. So nagpaubaya naman ako,  kaya medyo umusog ako ng kaunti papuntang kanan. Tapos, after nun, isa pang manong ulit ang sumukay , dun din gusto umupo sa likod ng driver. Ang pagkakarinig ko nga baka daw kasi maligaw siya. Kaya napausog nanaman ako sa kanan. At ayun na nga, Napunta na ako sa harap ng isang lalaking may hawak na cellphone.

Naobserbahan ko, magalaw yung lalaking may cellphne, salita ng salita, angal ng angal na maiinit daw. Tapos may tinawagan siya sa cellphone niya. Hindi ko naman maintindihan yung sinasabi niya kasi hindi ko rin alam yung lenggwahe na ginamit niya. Pero kahit hindi ko maintindihan  ramdam ko na galit na galit siya sa kausap niya sa cellphone. Hindi ko alam, siguro kinukuha niya lang yung atensiyon ko. Tapos nun, dumukot siya sa bulsa niya at may nalaglag ng tatlong pisong barya. Kitang kita ko kung ilang barya yung nahulog. Tatlo lang talaga.

Naging magulo yung loob ng jeep, turo sila ng turo sa barya. Wrong move sila, as if naman na may pakialam ako sa barya nila,kung bold na mga pictures pa yung nilaglag nila, dumambol pa ako. ihampas ko pa sa mukha nila yung isang libong barya sa alakantiya ko. Super over acting ang mga kumag. May sumisigaw  na “ayun ayun sa alalim”, may nagaabot ng abarya sa kin, tapos yung manong naman sa harap ko inaabot yung barya sa ilalim gamit yung paa niya. Kaya medyo inusog ko yung paa ko. Tapos naramdaman ko yung katabi ko sa kaliwa may pilit dinudukot sa bulsa ko. Kaya  agad kong siniko ko yung kamay niya.

“Anu ba!!?” malakas na sigaw nung manong sa kaliwa ko. Tapos nagsalita rin yung manong sa harap ko, sabi  sa akin “ Ano bang problema mo?” Pero hindi ko siya pinansin. Dun lang ako tumingin sa manong na katabi ko sa kaliwa. Naririnig ko yung maraming sidecomments sa loob ng jeep. Dun ka lang napansn na magkakasabwat pala sila

 Nakikipagtitigan lang ako dun sa manong na dumudukot sa bulsa ko. Putek parang eksena lang sa pelikula, yung parang dalwang magsyota na malapit nang maghalikan, kulang na lang pumikit kami  eh. Takte. Super duper close na nga ng mga mukha namin. Buwis buhay, buga ng hininga niya, langhap ko. Ang sakit sa bangs. Kitang kita ko pa nga habang inaabahan niya ako at gustong suntukin. Wala akong ibang reaction kundi nakatingin lang ako sa mukha niya, Kung sakaling may gawin siyang hindi maganda ay nakahanda  na ako.

Huminga ako ng malalim,

Tapos medyo nilakihan ko yung boses ko,  Sabi ko,” tulungan niyo po ako mandurkot tong mga to”.

Huminto yung jeep,pagtapos nun, pinagduduro ako  at pinagmumura na ako ng limang manong, pipalabas nila na ako yung may ginawang kasalanan.Wala na akong narinig na nagsasalita kundi yung mga mandurukot.

Narinig ko nga yung isa ,sabi, huwag kang bintang ng bintang baka may sumaksak na lang sa iyo mamaya maya.

.Tapos sabi ko “ kung gusto niyo ayusin natin  to sa pulis station”.  Tapos isa isa na silang bumaba.

Pagkababa nila, tinanong ako ng mga pasahero, kung ano daw nangyari, Sabi nga ng isa na nakita niya daw  yung isang mandurukot na  may nakasubwit na kutsilyo.

Nanginginig nga akong nagdeposit sa bangko. Pagkatapos ko mag deposit ay dumaan muna ako ng simbahan at nagpasalamat sa aking panibagong buhay.

And guys, readers, pwede ba akong humingi ng pabor? Pwede pang ipagpray natin yung mga mandurukot na tubuan ng betlog sa mukha, para kapag may nakita ka ng taong may betlog sa mukha, alam mo ng mandurukot sila at makakiwas ka na. Hehehe. Joke

Samahan niyo naman ako na ipagdasal yung mga mandurukot na yun, na bigyan sila ng maraming mga blessings para hindi na sila matukso na makagawa ngmga kasalanan. Tao pa rin sila na medyo naliligaw ng landas and our prayers will guide them . Maasahan ko ba kayo? ^_^