pers lab (kamalayang malaya)

Naalala ko pa. Nung mga panahon na kasing laki palang ako ng tangke ng LPG. Nasa ika unang baitang palang ng Elementarya. Nakilala ko ang aking  kauna-unahang karass. Itago na lang natin siya sa pangalang putubungbung..ay wag! Bibingka na lang para mas masarap pakinggan.

Si bibingka ay isang simpleng babae, Simpleng manamit, Simpleng manalita, Ang tanging hindi simple sa kanya ay ang kanyang ngiti. Dahil ang bilang ng kanyang ngipin ay kulang kulang .Kaya   kapag pinapakita niya ang kanyang matatamis na ngiti, Tanaw na tanaw ko ang kanyang tonsil.Nanginginig pa nga, Parang nagmumumog lang. Ang totoo hindi ko naman talaga dapat siya karass. Lagi ko lang siya nahuhuling nakatingin sa akin nang malagkit. Tapos parang may masamang balak sa musmus kong katawan.Siguro nalilibugan siya sa katawan ko. At dahil parang gusto ko siya pagbigyan. Naging karass ko na siya. At araw araw hinahanap na siya ng malikot kong mata, At gabi gabi hinahanap naman siya ng malikot kong utak.

Minsan, Nagkaroon ng pagpupulong ang lahat ng mga magulang naming mga mag-aaral. Ginamit na rin iyon na pagkakataon ng aking kamag-aral na itatago ko na lang sa pangalang pugelshit para isumbong ako.Aba! Nilagyan ko daw ng bubble gum yung upuan niya at ginawa ko daw basurahan ang bag niya.

Huwag niya kaming linlangin! Para sa kaalaman ng lahat.Sabi ng aking guro, Na itong si pugelshit na ito! Sobrang likot! At may bulate daw sa puwet. At dahil isa akong henyo. Binalak kong hulihin ang makulit na bulate sa puwet ni pugelshit. Naglagay ako ng patibong. Isang Bazooka buble gum na kakatapos ko lang nguyain. Hindi ko naman akalain na hindi pala bulate sa puwet ang mabibitag ko, Ako na nga tong nagmamalasakit siya pa galit?

Saka! saka! yung sinasabi niyang ginawa ko daw basurahan yung bag niya. Malay ko ba? Nakita ko kasi ang larawan sa kanyang  pinagmamalaking bag  ay si oscar ng sesame street. E diba sa basurahan nakatira iyon?

Matapos ako mapagsabihan ng guro kong may kinakampihan. Lumabas na ako at pumunta sa palaruan malapit sa flapole sa tabi ng puno ng aratiris.Andun ko nakita si bibingka. Kalaro ang iba ko pang kamag-aral.Hind ko alam kung anong oras na, Kasi wala akong dalang relo. Pero ang alam ko gabi na. Kasi madilim na. Kaya, Pagkakataon ko na.Alam na

Maya-maya.. May narinig kaming kakaibang ingay. Nakakatakot. Nagtakbuhan  ang lahat sa kanilang ama at ina. Maliban sa akin. Siyempre dapat magpasikat ako kay bibingka. Kunyare hindi ako tinatablan ng takot sa katawan. Tapos nun nakita kong nadapa si bibingka.Aray! una ulo. Dali dali akong tumakbo papunta sa kanya.

ako: bibingka!? hahaha nadapa! kawawa naman

bibinka: hump! hindi tayo bati

ako: ikaw kasi. natakot ka andito naman ako

bibingka: bakit ikaw? hindi ka ba natakot?

ako: Hindi, Mas takot pa nga ako sa mukha ni pugelshit  eh. okey ka lang ba?

(Hinawakan ko ang kanyang kamay. Tapos hinatid ko na siya sa  kanyang mama)

Matapos ang walang humpay ng pagchichismisan sa pagpupulong na naganap.
Minabuti na ng lahat ng na umuwi sa kanikanilang mga tahanan.

sa daan pauwi....
Hinawakan ko ang kamay ng mama ko sabay sabing

 " mama ikaw ang pers lab ko ha?Dapat lab mo din ako ha? ha?"

Tandang tanda ko pa ang kislap ng ngiti ni mama nung panahon na iyon.
Pagdating sa bahay.Pagkatapos kong hubarin ang aking short .Humiga na ako para matulog

 nang biglang,narinig ko ang sigaw ni mama habang siya ay naglalaba

MAAaaaarrviiiiiiiiiinn!!! Ang tanda tanda mo na umiihi ka pa sa short moooo!!!!

(patay malisya lang ako at nagkukunyaring tulog)

Waaaaaaaaaaaahhhh! Hindi lang pala ihi..Natae ka rin pala..paperslab perslab ka pang nalalamang bata ka!!

(patay! kasalanan ko bang maire nung magulat ako?)





===============================================================
salamat po sa pacontest ni  ginoong kulisap nag enjoy ako...
G.kulisap