Para mas lubos maunawaan ang kwento basahin mo muna ito
Hindi ko maintindihan ang sarili ko, bakit ganun? Bakit hanggang ngaun hindi pa rin ako matahimik? Ano bang problema ko? Ano bang dapat kong gawin para maging ok na ang lahat? Para makapagpahinga na ako.Pagod na rin kasi ako. Nakakasawa na.
Ilang taon na akong ganito, palakad lakad dito sa tawirang ito. Paulit ulit lang, wala na bang katapusan to? Ganito na lang ba palagi? Akala ko dati kapag patay ka na wala ka nang problema, akala ko lahat ng sakit, lahat ng pagdurusa kasama ko ng maililibing sa hukay, nagkamali pala ako. Hanggang ngayon , kahit multo na ako, minumulto pa rin ako ng mga problemang ginawa ko.
Si ex, ang mahal kong kong ex boyfriend, mahal na mahal ko siya. Hindi ko nga alam kung bakit eh, hindi naman siya gwapo kagaya nung crush kong blogger na si kikilabotz, pero mahal na mahal na mahal ko siya. Marami nga ang nanliligaw sa akin pero si ex lang ang nakapagpalambot sa puso ko.
Pero, bigla niya akong iniwan. Nasaktan talaga ako dun. Kung sa bagay, hindi ko siya masisisi. Sino ba namang boyfriend ang hindi magagalit kapag nakita mo ang girlfriend mo sa isang sex video? Wala naman. Wala naman.
Simula nun, hindi na siya nagpakita pa, pero patuloy pa rin akong humihiling sa itaas, na sana, na sana muli siyang magbalik. Kaya nga kahit anong mangyari, araw araw, gabi gabi , hinihintay ko siya sa aming tagpuan, sa tabi ng tawiran.
Lumipas ang ilang araw, nabalitaan ko, nagpakalayo na pala ang ex ko, pero hindi din nagtagal, nasiraaan ng ulo, nabaliw daw dahil sa depression. Kasalanan ko naman talaga. Hindi ko man lang naipaliwanag sa kanya ang lahat. Ang tunay na nangyari.
Ngayon, patay na ako. Isa na lang akong kaluluwang ligaw na hindi matahimik. Haayy. May pag asa pa kaya na muli kaming magkita? Kung meron man, at kung mabibigyan kami ng pagkakataon ng tadhana. Kung magkakasalubong muli ang magkahiwalay na landas namin. Ngingitian ko siya ng todo todo , yung smile na maganda, para maipakita ko sa kanya kung gaaano ako nagpapasalamat sa pagmamahal na ibinigay niya sa akin. Masayang masaya talaga ako. Mahal na mahal ko ang ex ko. At kapag nangyari yun matatahimik na ako.
Hehe, nakakatuwang isipin na PATAY NA PATAY ako sa kanya at siya naman ay BALIW NA BALIW sa akin.
fiction
