Nagkasalubong kami ni Ex

Matapos ang isang napakainit na tanghali ay ang isang makulimim na hapon, tamang tama para maglakwatsa kasama ang mga tropa. Tamang tama para ubusin ang oras sa aking napakaboring na araw. Tamang tama para magisip sa buhay kong maling mali.

Malas naman! Sa dinami dami ng inaya ko wala man lang sumama. Hay! Bakit ganun? I donk know whats wrong with them. Ganun na ba talaga kasama magpalibre? Buraot  nga ba talaga ako? Siguro Okay na rin  yung ganito.  Mas maganda na rin siguro na mapag-isa para makapaisip na matino, yung walang magulo. Maybe it is time na para mag withdraw naman ako ng sarili kong pera.

Ano ba naman ito? Tatawid ka nga lang may pila pa! Grabe namang PEd Xing to. Hindi ba pwedeng itulok ko na lang yung mga taong tumatawid. Masagasaan na kung sino masasagasaan. Teka... Parang kilala ko yung babaeng patawid na iyon ah?  Ayy Takte!! Si Ex.... teka..teka...san ba ako pwede magtago. Dun ba o dun? waaahh! wala na!  Malapit na siya.Sige na nga haharapin ko na lang. Sa dinami dami ba naman kasi na pwedeng pagkakitaan ulit dito pa..Dito pa sa tawiran.

uhmmmm " ehem ehem hi....".. Ano kaya yun?  nginitian lang niya ako. Ok na rin siguro yun. Matagal tagal na rin pala nung huli kaming nagkita..Siguro 4 or 5 years na. Pero astig. Wala pa rin siya pinagbago. Ang ganda ganda pa rin niya. Ang totoo mas maganda pa nga siya ngayon, mas seksi at mas maputi. Humaba na rin ung buhok niya. Bakit nga ba ako nakipaghiwalay sa kanya? Ang perfect perfect niya. sobrang bait , maganda, seksi, malambing. Lahat na ata ng hinahanap ko nasa kanya  na. Mahal na mahal naman niya ako.. Bakit nga ba? Oo nga pala.

Tama! panahon na siguro! Panahon na para itama yung mga pagkakamali ko sa buhay. Panahon na para magsorry, Panahon na para humingi ng kapatawaran dahil iniwan ko siya nuon. Panahon na para aminin ko sa kanya na siya pa rin ang mahal ko. Panahon na. Yes! excited na ako. Pakiramdam ko nagkaroon muli ng direksiyon ang buhay ko. Woooohhh!Alam ko na! Dadaan ako sa flowershop! bibilhan ko siya ng napakaraming bulaklak. hehe. Sigurado ako magugustuhan niya yun.

Waaaaaaaaaaahhhhh! Ano bang nangyari!? bakit ganun? bakit parang wala akong maalala. Wahhhh! Bakit ko pa kasi sinabi sa tropa ko ang tungkol sa kanya? hindi ko na alam ang gagawin ko. My gulay! Oh my gulay! Hindi ako maaring magkamali. Siguradong sigurado ako sa nakita!!  Wahhhh bakit tumutulo ang luha ko? Naman ang sakit sakit! Anong  klaseng pakiramdam to? Bakit ko pa kasi narinig ang mga katagang.....

" Pare! Nagpapatawa ka ba? Hindi mo ba alam na apat na taong patay na ang ex mo? Namatay siya sa isang aksidente"




fiction